من بداية السينما و الأزياء اقترنت
بيها بالتأكيد , اهتم مصمم ورا التاني انه يسيب
علامات عن طريق ملابس قد تبدو بسيطة لكنها اقترنت بالشخصيات اللي لبستها
فالأفلام و احيانا الممثلات نفسهم و احيان كتير اتلبست الأزياء دي كتقليعة بعد كدة
لفترة مش قليلة .هل اللي صمموا الأزياء دي كانوا عارفين انها بالذات هي اللي
هاتفرقع دون عن باقي ازياء الفيلم؟ ولا نجاح مشاهد معينة فالأفلام نجح الأزياء اللي
الشخصيات لبسوها اثناء المشاهد دي ؟ مانعرفش,المهم انه صناعة الأزياء او تصميم
الأزياء خاصة للسينما و التليفزيون صناعة غير سهلة بالمرة و محتاجة مهارة عالية
عشان تقدر كمصمم تعبر عن الشخصية اللي في ايدك بشكل قوي و غير مبالغ فيه,
سواء كانت ملابس تاريخية او عصرية او اسطورية .
علامات عن طريق ملابس قد تبدو بسيطة لكنها اقترنت بالشخصيات اللي لبستها
فالأفلام و احيانا الممثلات نفسهم و احيان كتير اتلبست الأزياء دي كتقليعة بعد كدة
لفترة مش قليلة .هل اللي صمموا الأزياء دي كانوا عارفين انها بالذات هي اللي
هاتفرقع دون عن باقي ازياء الفيلم؟ ولا نجاح مشاهد معينة فالأفلام نجح الأزياء اللي
الشخصيات لبسوها اثناء المشاهد دي ؟ مانعرفش,المهم انه صناعة الأزياء او تصميم
الأزياء خاصة للسينما و التليفزيون صناعة غير سهلة بالمرة و محتاجة مهارة عالية
عشان تقدر كمصمم تعبر عن الشخصية اللي في ايدك بشكل قوي و غير مبالغ فيه,
سواء كانت ملابس تاريخية او عصرية او اسطورية .
القايمة المذكورة مالهاش ترتيب للأهمية , هي مجرد قايمة مفتوحة يُضاف عليها الكثير
و الكثير فيما بعد .
1- فستان كيت هادسن الأصفر في فيلم how to lose a guy in 10 days
سواء كان الفستان ظهر في أفيش الفيلم او لأ,
الفستان ده هايفضل معلق في ذاكرتي و
ذاكرة اي حد بيركز في أزياء الأفلام عموما, ماظنش اني شوفت فستان مميز كدة
وبالبساطة دي , مفيهوش تقريبا غير قَصة فالوسط , لونه الاصفر لون صعب انه يتنقى
كلون فستان , لكن بساطته خلته يعلّم مع الناس و يتصنع و يتباع بعد كدة , لو شوفته
في اي حتة هاعرف ان ده فستان كيت هادسون في الفيلم ده .
ذاكرة اي حد بيركز في أزياء الأفلام عموما, ماظنش اني شوفت فستان مميز كدة
وبالبساطة دي , مفيهوش تقريبا غير قَصة فالوسط , لونه الاصفر لون صعب انه يتنقى
كلون فستان , لكن بساطته خلته يعلّم مع الناس و يتصنع و يتباع بعد كدة , لو شوفته
في اي حتة هاعرف ان ده فستان كيت هادسون في الفيلم ده .
تصميم ازياء الفيلم للمصممة: كارين باتش karen patch
الفستان في أحد مواقع البيع
2- فستان زوزو الأسود طبعا
الحقيقة مش الفستان بس , الفستان و الجاكيت
الصغير عليه , حتى تسريحة الشعر , لوك كامل ماينفعش حد يشوفه و ينسى زوزو ألماظية
, الفستان رغم بساطته كان معمول بإتقان , و باقي فساتين الفيلم من الفستان الجلد
الأحمر الكلوش للفستان الأبيض بالمَشَد الأحمر ,كلهم علامات شكلت ما يسمى ب موضة
"فساتين سعاد حسني" رغم ان دي كانت الموضة المنتشرة وقتها , لكن فساتين
سعاد كانت فساتين غير .
مصممة الفيلم و اعمال تانية من أعمال سعاد
سحني : سوسن الصاوي
شكرا سوسن الصاوي
3- فستان جوليا روبرتس الأحمر في فيلم pretty woman
خلينا متفقين ان جوليا حلوة فالفيلم ده , حتى في لبس "فتاة الليل" الأبيض في لبني في
بداية الفيلم . بس الفستان ده ,رغم انه مش اول مرة تتأنق فيها "فيفيان" او جوليا خلال الفيلم- قبلها كان الفستان الجبير الأسود القصير- ,لكنه خطف انفاسنا زي الأستاذ ريتشارد جير بالظبط , و رغم اني شخصيا ماعجبنيش تصميم الفستان , إلا انه فستان مميز جدا و جوليا حلوة , و احنا ممتنين لوجود جوليا على الشاشة فالعموم.
تصميم ازياء الفيلم ل : Marilyn Vance
4- بلوزة "لاتيكا" من فيلم slumdog
millionaire
المشهد ده من اقوى مشاهد الفيلم بالنسبالي,
التركيز على لاتيكا فالشوت ده بالذات و استخدام اللون الأصفر (اللي اقترن بيها طول
فترة الفيلم من اول ظهورها ) خلى البلوزة دي تعلم في ذاكرتي حتى لوكانت بلوزة
عادية جدا و فيها ترتر فضي كمان .
تصميم الملابس فالفيلم ل: Suttirat
Anne Larlarb
5- فستان اودري هبرن في فيلم breakfast
at tiffany's
الفستان مفيهوش حاجة , الفستان فيه اودري , رغم بساطته زي فستان سعاد حسني في
زوزو كدة , إلا ان الفستان ليه شهرة واسعة جدا خصوصا انه استخدم فالدعاية للفيلم والأفيش ,و البنات فيما بعد لبسته كتير خصوصا انه سهل التقليد.
و في 2006
ظهرت ناتالي بورتمان بالفستان على غلاف مجلة Harper's Bazaar
تصميم ازياء اودري فالفيلم: Hubert
de Givenchy
6- فستان مارلين مونرو في The seven year itch
تقريبا ده اول فستان ممكن يجي في دماغك اول ما تسمع اسمع مالرين مونرو , و انا
شخصيا كنت فاكراه فستان لبسته في حفل او مناسبة و مش من خلال فيلم , الفستان رغم بساطتة " كالعادة" بسبب المشهد الشهير وهو بيطير علق مع الناس لحد دالوقت , و مش هانقدر نشوف فستان أبيض بليسيه كلوش غير اما نفتكر فستان مارلين.
تصميم ازياء الفيلم ل Trivilla
Trivilla **صمم لمارلين ملابسها في 8 أفلام و ده الرسم التوضيحي للفستان الشهير
.
و عشان الرجال لازم يكون ليهم بصمة , رغم انه
صعب التأثيرفي اتجاه موضة
الملابس الرجالي , لكن تظل بعض الشخصيات سابت بصمة مميزة في افلامها .
الملابس الرجالي , لكن تظل بعض الشخصيات سابت بصمة مميزة في افلامها .
7- قميص "ثيؤودور" في فيلم HER
رغم انه صعب التصميم لفيلم احداثه بتدور في
المستقبل إلا انه مصمم الأزياء Casey Storm اظهره في غاية البساطة و حسب
كلامه انهم قرروا مايصمموش شيء غريب يشغل المشاهد عن الفيلم نفسه , فاستخدموا
القمصان البسيطة (بألوان زاهية احيانا) و البنطلونات القماش عالية الوسط و اللي
بالفعل لبستها الرجال في عصور قبل كدة .
القميص الأحمرالمايل إلى البرتقالي و اللي بيظهر بيه شخصية ثيؤودور على افيش
الفيلم و كمان جوة الفيلم لونه مميز وقوي و سهل يعلم في دماغ اي حد .
نختم بالزعيم
8- جاكيت عادل إمام الجينز و البنطلون كمان معاه
الجاكتة اللي احتلت دولاب عادل إمام لفترة مش قليلة خالص, لبسها في أعمال كتيرة ,
منها الزعيم و الواد سيد الشغال و احلام الفتى الطائر و سلام يا صاحبي و دموع في
عيون وقحة و غيرهم.
الصورة من موقع المصري لايت
